У Старых Дарогах памёр 58-гадовы работнік вайсковай часці з каранавірусам
У нядзелю, 17 мая, памёр 58-гадовы Мікалай Сітчук са Старых Дарог. Сітчук — былы вайсковец, ветэран Афганістана, дзе быў прапаршчыкам і начальнікам узвода матэрыяльнага забяспечання.
Апошнім часам мужчына працаваў у мясцовай вайсковай часці (8-ы полк радыяцыённай, бія- і хімабароны). Быў начальнікам караула.
«У яго пачалася пнеўманія, паклалі ў бальніцу, там выявілі каранавірус, — распавёў «Нашай Ніве» Міхаіл Няхай, старшыня мясцовага саюза ветэранаў Афганістана.
— Увечары ў нядзелю 17 мая Мікалай памёр у Слуцкай бальніцы. Кажуць, рэзка стала кепска — і ўсё. Учора мы хавалі яго ў закрытай труне».
Сітчук меў хранічныя праблемы са здароўем, але знаёмыя кажуць, што ў даведцы аб смерці пазначаны таксама «кавід-19».
Жонка Мікала знаходзіцца ў копыльскай бальніцы з пнеўманіяй. Яна працавала ў старадарожскім інтэрнаце для састарэлых і інвалідаў.
«Наша Ніва» звязалася з дырэктаркай установы, там паведамілі, што інтэрнат даўно не працуе ў «прафілактычных мэтах». Але на «карону» супрацоўнікаў не правяралі, бо не ведаюць, ці выявілі вірус у іх работніцы.
-
Жанчыну-пульманолага з 30-гадовым стажам адправілі ў калонію па трох палітычных артыкулах
-
Верагоднай прычынай для прыезду Дэрула ў Мінск сталі здымкі для рэкламы катэджаў
-
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце
Жанчыну-пульманолага з 30-гадовым стажам адправілі ў калонію па трох палітычных артыкулах9
Каментары