«Еўраопт» першым сярод гандлёвых сетак у Беларусі пачаў прымяняць для дэзінфекцыі пакупніцкіх калясак спецыяльныя арачныя бар'еры. На сёння сучаснае абсталяванне маркі «Вірстан» ужо ўсталявана ў двух гіпермаркетах: у Мінску на вул. Мантажнікаў, 2 і ў Віцебску на пр-це Маскоўскім, 130-1, а таксама ў мінскім супермаркеце на вул. Нікіфарава, 51.
Каляскі для пакупак, як і кошыкі, рэгулярна праходзяць абавязковую дэзынфекцыю ў гандлёвых аб'ектах сеткі «Еўраопт». Новыя тэхналогіі зрабілі працэс дэзінфекцыі калясак нашмат прасцейшым.
Спецыялісты крам пры вяртанні калясак на месца ў гандлёвую залу проста праганяюць іх праз спецыяльную арку, усталяваную ля ўваходу ў гандлёвы аб'ект. Пры гэтым датчык руху аўтаматычна запускае працэс дэзынфекцыі. Аэразольны спосаб дэзынфекцыі, які выкарыстоўваецца ў бар'ерах «Вірстан», выдатна зарэкамендаваў сябе дзякуючы высокай эфектыўнасці і хуткасці апрацоўкі.
У далейшым бар'еры для дэзынфекцыі калясак могуць быць усталяваны і ў іншых буйных гандлёвых аб'ектах сеткі «Еўраопт».
Цяпер чытаюць
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома23
Каментары