Пра гэта паведаміў журналістам міністр антыманапольнага рэгулявання і гандлю Уладзімір Калтовіч па выніках даклада кіраўніку дзяржавы аб сітуацыі на спажывецкім рынку краіны, піша БЕЛТА.
«Мы пакуль прынялі рашэнне прыпыніць павышэнне запланаваных тарыфаў на адукацыю (разам з Міністэрствам адукацыі), транспарт і сувязь», — сказаў міністр. Паводле яго слоў, такая мера дасць магчымасць стрымаць рост інфляцыі, які паскорыўся за сакавік-красавік, і па выніках мая ўвайсці ў запланаваную траекторыю інфляцыі.
Адказваючы на пытанне, як доўга будзе дзейнічаць гэты мараторый, ён растлумачыў, што МАРГ вернецца да абмеркавання гэтага пытання па выніках чэрвеня. «Калі ўваходзім у запланаваны трэнд інфляцыі і сітуацыя захоўваецца нармальнай, то мы за тое, каб павысіць тарыфы, якія былі запланаваны да павышэння, — растлумачыў ён. — Па выніках чэрвеня будзе зразумела, што можам павышаць. Калі будзем ісці ў прыгранічнай сітуацыі (па паказчыках інфляцыі. — Заўвага БЕЛТА), то, хутчэй за ўсё, вернемся да гэтага пытання ў чацвёртым квартале».
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом4
Каментары