Аляксандр Лукашэнка сёння ў час сустрэчы з работнікамі Мінскага трактарнага завода расказаў, якіх жыццёвых прынцыпаў прытрымліваецца. Адзін з іх — заўсёды гаварыць праўду, якой бы яна ні была, перадае БелТА.
«Гаварыце ўсё, што вы думаеце. Але ведайце дзе, і нікога не зневажайце. Ніколі нікога не зневажайце. Мяне крытыкуйце, іншых. Але не зневажайце асабіста. І другое — не хлусьце. Ні ў якім разе», — заклікаў Лукашэнка.
Аляксандр Лукашэнка адзначыў, што ў часы прэзідэнцкай маладосці яму часам хтосьці прапаноўваў: вы скажыце, а там паглядзім. «Я гавару: не, сёння скажаш, заўтра забудзеш, скажаш іншае. І табе зададуць пытанне: дык ты калі праўду гаварыў? Гэта мой самы строгі прынцып — праўда, якая б яна ні была. Таму што панаабяцаеш (выбары пройдуць, напрыклад), а людзі будуць думаць: наабяцаў, а дзе абяцанае… Вось два прынцыпы, якіх я сёння прытрымліваюся», — расказаў Лукашэнка.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы73
Каментары