дапоўнена
У Мінску ў доме на вуліцы Кальцова выбух і пажар, трое пацярпелых
У доме па адрасе Кальцова 23 здарыўся выбух.
Відавочцы паведамляюць пра тое, што выбухам пашкоджаны пад'езд.
Працуе міліцыя і хуткія.
МНС паведамляе, што адкрытым полымем гарыць кватэра на першым паверсе. Паводле папярэдняй інфармацыі, атрымалі траўмы тры чалавекі.
У МНС паведамілі, што па стане на 20:47 пажар ліквідаваны.
Пяць чалавек выратаваны работнікамі МНС з пад'езду, дзе гарэла кватэра, тры чалавекі эвакуіраваны з суседняга. Паводле папярэдняй інфармацыі, пажар пачаўся пасля ўспышкі бытавога газу.
Каля месца здарэння сабраліся мясцовыя жыхары. Каля дома было заўважана 5 машын хуткай дапамогі і каля 15 пажарных аўтамабіляў.
Унутры кватэры, дзе адбыўся пажар, ратавальнікі знайшлі самагонны апарат.
Каментары