Вядучы СТБ звольніўся з канала, раней ён асудзіў затрыманні людзей у сталіцы
Вядучы СТБ Антон Мартыненка напісаў у сваіх сацсетках, што больш не працуе на тэлебачанні.
«Хачу падзяліцца тым, што адбываецца ў маім жыцці апошні тыдзень. Ад сёння маё супрацоўніцтва з тэлеканалам СТБ скончана. На тэлеканале вельмі перажываюць, што мой адыход няправільна зразумеюць, таму хачу ўсіх супакоіць. Пасля двух папярэдніх допісаў у сацсетках са мной вельмі ветліва і выключна добразычліва пагаварылі пра тое, што цяпер мая праца як тэлевядучага ў кадры зведзена да мінімуму. Мяне не звальняюць, а пераводзяць у рэдактарскі аддзел (усё ў рамках закона, зразумела). Я яшчэ больш ветліва, чым мне гэта было прапанавана, адмовіўся і напісаў заяву па ўласным жаданні. Дзякую ўсім на тэлеканале, хто перажывае наконт майго адыходу», — напісаў Мартыненка.
Нагадаем, раней Мартыненка выказваўся ў сваіх сацсетках наконт затрыманняў каля крамы Symbal.by.
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу8
Каментары