Стрыечны пляменнік прэзідэнта Расіі Уладзіміра Пуціна Раман Пуцін узначаліў партыю «Народ супраць карупцыі». Рашэнне было прынята на з'ездзе партыі, паведамляюць інфармагенцтвы.
Пуцін быў абраны шляхам таемнага галасавання старшынёй і лідарам партыі на пяць гадоў.
Раман Пуцін — прадпрымальнік, сын стрыечнага брата прэзідэнта РФ Ігара Пуціна. Раней ён быў аператыўнікам ФСБ і дарадцам губернатара Новасібірскай вобласці на грамадскіх пачатках.
У маскоўскае аддзяленне партыі ён уступіў 21 чэрвеня 2020 года.
У 2017 годзе партыя «Народ супраць карупцыі» вызначылася тым, што ў некалькіх рэгіёнах выставіла кандыдатамі на губернатарскіх выбарах былых саслужбоўцаў Пуціна.
Гучала меркаванне, што гэта партыя-спойлер, створаная ў процівагу фонду Аляксея Навальнага, які займаецца выкрыццём карупцыі ў вышэйшых эшалонах расійскай улады.
Каментары