«Пасадзім цябе потым». Актывісту ў Віцебску далі 10 сутак, а потым нечакана вызвалілі
Суд Кастрычніцкага раёна Віцебска 7 ліпеня прысудзіў актывісту Уладзіміру Кійко 10 сутак. Пасля гэтага яго адразу адвезлі ў Цэнтр ізаляцыі правапарушальнікаў адбываць арышт, але неўзабаве вызвалілі, паведамляе spring96.org.
Cуд адбываўся ў анлайн-рэжыме (праз Skype-відэасувязь). Суддзя Уладзімір Царыкаў палічыў Кійко вінаватым у ч. 3 арт. 23.34 КаАП (Парушэнне парадку арганізацыі або правядзення масавых мерапрыемстваў паўторна цягам года) — за ўдзел у Ланцугу салідарнасці 19 чэрвеня. Пратакол склаў участковы, старшы лейтэнант Віталь Праліч.
Уладзімір Кійко сваёй віны не прызнаў. Ён заявіў на судзе, што браў удзел у цалкам легальным пікетаванні для збору подпісаў, бо з'яўляецца сябрам ініцыятыўнай групы Святланы Ціханоўскай.
Пасля абвяшчэння рашэння суда Уладзіміра Кійко змясцілі адбываць арышт у віцебскі ІЧУ, дзе ён павінен быў знаходзіцца да 16 ліпеня. Але актывіст паспеў там прабыць зусім нядоўга:
«Недзе праз гадзіну пасля суда па скайпе да мяне ў ІЧУ прыехаў міліцыянт Віталь Праліч, які складаў на мяне пратакол, і сказаў, што я вольны. Я здзівіўся. А ён кажа: «Пасадзім цябе потым», — расказаў Кійко.
Цяпер ён на волі, але 9 сутак арышту застаюцца неадбытымі — з улікам таго, што адны суткі ён правёў у ІЧУ ў чаканні суда пасля таго, як яго затрымалі 6 ліпеня.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары