«Чым горшае становішча ўлады, тым большая хлусня». Маці затрыманага мазыраніна пракаментавала сюжэт АНТ
У сюжэце АНТ за 8 жніўня быў паказаны нібыта жыхар Мазыру, актывіст супольнасьці «Страна для жизни» Руслан Парфёнаў, піша Радыё Свабода.
Руслан Парфёнаў (справа) на пікеце ў Мазыры дыскутуе з выступоўцам, скрыншот зь відэа праваабарончай арганізацыі «Палеская Вясна»
На відэа маладзён, закадравы голас апавядае, што ён прызнаўся ў вырабе «вожыкаў», каб спыняць тэхніку сілавых органаў.
Сябры і маці Руслана Парфёнава абураныя сюжэтам, бо яго «герой» зусім не падобны да Руслана.
«Руслан мажны, высокі, а тут нейкі хударлявы юнак, на 10 гадоў маладзейшы», — расказаў Свабодзе сябар Руслана Андрэй. Маці Руслана Людміла зазначыла, што «яшчэ ніколі ня бачыла такой хлусьні». «Я гэтыя брахлівая дзяржаўныя каналы не гляджу, мяне проста ванітуе! У нас быў вобшук, пыталіся пра «вожыкі». Я кажу: «А расьцяжкі вам ня трэба знайсьці? Можа, мне 900 тысяч даляраў пакінеце, як Ціханоўскаму, дык я хоць крэдыты сплачу?», — пракамэнтавала Людміла.
Руслана Парфёнава затрымалі 6 жніўня. Сваякоў не дапусьцілі на суд.
«Нас ганялі з суду на ізалятар, з ізалятару ў міліцыю, на суд не пусьцілі, даведаліся толькі пра вынік — 10 сутак; за што — ніхто не сказаў», — дадала маці Руслана Людміла.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары