Купалаўскі тэатр не будзе паказваць спектаклі і гатовы да страйку
Калектыў Купалаўскага тэатра запатрабаваў спыніць гвалт да мірных грамадзян і выступіў за пералік галасоў з удзелам незалежных назіральнікаў. Зварот падтрымалі каля 200 супрацоўнікаў тэатра.
— Мы патрабуем ад усіх сілавых структур неадкладна спыніць гвалт адносна мірных грамадзян, якія маюць законнае канстытуцыйнае права на свабоду збораў і выказвання сваіх меркаванняў. Адвольныя затрыманні без тлумачэння прычын і нічым не вытлумачальная жорсткасць з’яўляюцца прамым парушэннем закону.
Калектыў Купалаўскага лічыць, што ёсць мноства падстаў не давяраць вынікам галасавання, агучаных ЦВК. Таму выступае за мірны дыялог і пералік галасоў.
— У дадзены момант зняць напружанне дапамог бы просты крок: адкрыты і празрысты пералік галасоў з удзелам незалежных назіральнікаў, прадстаўнікоў усіх кандыдатаў у прэзідэнты і грамадскасці.
Купалаўцы заклікалі ўлады вызваліць усіх затрыманых.
— Мы прыпыняем паказ спектакляў да вырашэння існуючай сітуацыі і ініцыюем працэдуру абвяшчэння забастоўкі. Вельмі спадзяёмся на мірнае вырашэнне сітуацыі і на тое, што розум і закон у нашай краіне перамогуць.
Сезон у Купалаўскім тэатры павінен быў адкрыцца 21 жніўня прэм'ерай спектакля «En souvenir de Шагал», прысвечаны мастаку Марку Шагалу.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары