Улады працягваюць рыхтавацца да хакейнага чэмпіянату свету. Гатовыя правесці яго нават без Латвіі
Беларусь працягвае актыўна рыхтавацца да ЧС па хакеі, які правядзе сумесна з Латвіяй. Аб гэтым сказаў прэм'ер-міністр Раман Галоўчанка на пасяджэнні арганізацыйнага камітэта па падрыхтоўцы і правядзенні ў 2021 годзе ў Мінску чэмпіянату свету па хакеі, паведамляе ўрад.
Як адзначыў прэм'ер-міністр, чэмпіянат-2020, які павінен быў адбыцца ў Швейцарыі, праз нестабільную эпідэміялагічную сітуацыю быў адменены. Але пакуль, на радасць шматлікіх аматараў хакея, чэмпіянат 2021 года, запланаваны ў Мінску і Рызе, застаецца ў парадку дня. Тэрміны яго правядзення крыху змяніліся: на гэты час ён запланаваны з 21 мая па 6 чэрвеня 2021 года.
Паводле слоў Рамана Галоўчанкі, некаторае здзіўленне выклікаюць заявы партнёраў па турніры. «Прэм'ер-міністр Латвіі заявіў аб тым, што плануе звярнуцца да Міжнароднай федэрацыі хакея з ініцыятывай аб замене Беларусі на іншую краіну. Такая заява гучыць дзіўна, асабліва ўлічваючы, што федэрацыі хакея абедзвюх дзяржаў прадаўжаюць эфектыўнае ўзаемадзеянне па падрыхтоўцы турніру ў супрацоўніцтве з Міжнароднай федэрацыяй хакея», — сказаў ён.
У сваю чаргу выконваючы абавязкі старшыні Федэрацыі хакея Беларусі Дзмітрый Баскаў адзначыў: «У нас ёсць кантрактныя абавязацельствы па правядзенні чэмпіянату свету па хакеі з латвійскім аргкамітэтам, але калі па нейкіх прычынах латвійскі бок адмовіцца праводзіць сумесны чэмпіянат, то ў нас дастаткова рэсурсаў і магчымасцей інфраструктуры, каб правесці яго самастойна».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА121
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары