Штаб Бабарыкі: Калеснікава затрыманая і знаходзіцца ў Мазырскім пагранатрадзе
Марыя Калеснікава затрыманая і знаходзіцца ў Мазырскім пагранатрадзе, паведамляе штаб Віктара Бабарыкі ў сваім тэлеграм-канале.
Зазначаецца, што інфармацыя ў штаб паступіла з некалькіх ананімных крыніц. Пры гэтым у тэлефоннай гутарцы з адвакатам Марыі Калеснікавай Максімам Знакам аператыўны дзяжурны паведаміў, што не ведае пра факты затрымання каго-небудзь у пункце пропуску Аляксандраўка.
— У інтарэсах Марыі Калеснікавай быў заключаны дагавор з адвакатам з Мазыра, які падаў у в/ч 1257 апавяшчэнне аб прыняцці абароны і копію ордара, яму таксама паведамілі пра тое, што Марыі Калеснікавай у гэтай вайсковай частцы няма.
Пры гэтым Дзяржаўны памежны камітэт, які пацвердзіў затрыманне, таксама не паведаміў, ні хто затрымліваў Марыю Калеснікаву, ні на якіх падставах яна затрыманая.
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары