Урад Літвы ў сераду вырашыў змяніць пастанову аб надзвычайным становішчы і палегчыць парадак уезду ў краіну для высокакваліфікаваных спецыялістаў, выкладчыкаў, даследчыкаў. Таксама адмовіліся ад патрабавання прад'яўляць адмоўны аналіз тэсту на каранавірус, здадзены не пазней за 72 гадзіны да ўезду, піша Delfi.lt.
У праекце пастановы сказана, што мэта змены ўмоў — «стварэнне перадумоў для ўезду высокакваліфікаваных спецыялістаў, выкладчыкаў, даследчыкаў».
«Іх заяўкі на атрыманне часовага дазволу на жыхарства прымаюць дыстанцыйна, пасля прыняцця станоўчага рашэння трэба прадставіць арыгіналы дакументаў і біяметрычныя звесткі», — сказана ў праекце пастановы.
Прапануецца таксама адмовіцца ад патрабавання прад'яўляць адмоўны аналіз тэсту на каранавірус, здадзены не пазней за 72 гадзіны да ўезду — гэты парадак распаўсюджваўся на замежнікаў.
«Такая прапанова зроблена таму, што на практыцы існуе праблема надзейнасці/фальсіфікацыі гэтых тэстаў, таму ўзнікае пытанне эфектыўнасці гэтай меры.
Гэта змяненне актуальна і ў кантэксце дапамогі Беларусі: тэст трэба здаваць і прыязджаючым з Беларусі, а там цяпер яго здаць нялёгка (чарга на некалькі тыдняў наперад), таму такое патрабаванне стварае перашкоду для беларусаў, якія хацелі б скарыстацца палегчаным рэжымам уезду.
Акрамя таго, пасля таго як змяніліся правілы ізаляцыі, патрабаванне здаць тэст пазбавілася сэнсу, паколькі тэставанне звязана з выключэннямі ў парадку ізаляцыі або скарачэннем тэрміну ізаляцыі (у гэтых выпадках абавязкова здаваць тэст). Іншыя актуальныя аспекты тэставання будуць урэгуляваныя ў правілах ізаляцыі», — сказана ў дакуменце.
Міністр унутраных спраў Рыта Тамашунене запэўніла, што прыязджаючых у Літву па гуманітарным калідоры інфармуюць аб неабходнасці здаваць тэст на каранавірус.
«Памежная служба клапоціцца аб тэставанні тых, хто прыехаў і звярнуўся з просьбай аб прадастаўленні палітычнага прытулку», — сказала міністр.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім15
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары