15 снежня Аляксандр Лукашэнка падпісаў указ, накіраваны на ўдасканаленне рэгулявання мікрафінансавай дзейнасці. Змены закранулі шэраг нарматыўных дакументаў, паведамляе прэс-служба палітыка.
Згодна з указам, да мікрафінансавай дзейнасці цяпер будзе адносіцца выдача грашовых сродкаў па адной або некалькіх дамовах мікрапазыкі.
Акрамя таго, права займацца такой дзейнасцю атрымалі аператары мабільнай сувязі. Яны змогуць выдаваць спажывецкія мікрапазыкі ў безнаяўнай форме, без закладу, на суму не больш за 200 базавых адзінак на аднаго пазычальніка на момант укладання дамовы.
Камерцыйным мікрафінансавым арганізацыям, якія адпавядаюць патрабаванням Нацыянальнага банка, дазволена даваць спажывецкія мікрапазыкі праз анлайн-сэрвісы. Такія пазыкі таксама будуць выдавацца безнаяўна і без забеспячэння, з тым жа абмежаваннем сумы — да 200 базавых адзінак на аднаго кліента.
Таксама ўведзена дадатковае патрабаванне для непаўналетніх: асобы ва ўзросце ад 14 да 18 гадоў змогуць укладаць дамовы спажывецкага мікракрэдыту з камерцыйнымі і спецыялізаванымі арганізацыямі толькі пры наяўнасці пісьмовай згоды аднаго з законных прадстаўнікоў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары