Гэта не звязана з палітычнымі пратэстамі.
Беларусь пазбаўленая права на правядзенне Cусветнай шахматнай Алімпіяды ў 2022 годзе. Беларусь атрымала права на яе правядзенне ў 2018-м, аднак 4 кастрычніка стала вядома, што наша краіна парушыла фінансавыя абавязацельствы, піша «Прэсбол».
«Гэта звязана з тым, што Мінспорту Беларусі не змагло даць неабходныя авансавыя плацяжы і страхоўку», — паведамляе Chess.com.
«З павагі да арганізатараў мы не хацелі б удакладняць сумы, але гэта даволі істотныя парушэнні. ФІДЭ (Міжнародная федэрацыя шахмат) некалькі месяцаў сумленна вяла перамовы, але, на жаль, яны не ўвянчаліся поспехам. Парушэнні і іх значнасць арганізатарамі не аспрэчваюцца», — паведаміў юрыст ФІДЭ Аляксандр Мартынаў.
Прэзідэнт ФІДЭ Аркадзь Дворкавіч, у сваю чаргу, заявіў, што фінансавыя праблемы з боку арганізатараў не звязаныя з палітычным крызісам у Беларусі.
Вядома, гэта [масавыя пратэсты] не дапамагае, але вызначана гэта не галоўная прычына. Яшчэ ў пачатку лета, да прэзідэнцкіх выбараў, нам паведамілі, што не могуць арганізаваць гэтыя мерапрыемствы, — сказаў Дворкавіч.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары