У Гродне п'яны мужчына шпурнуў пляшку ў галаву 10-гадовага хлопчыка. Дзіця шпіталізавана з цяжкай траўмай
Здарэнне адбылося 6 кастрычніка каля 19:00, паведамляе СК у сваім тэлеграм-канале.
50-гадовы мужчына знаходзіўся на адной з дзіцячых пляцовак. Там ён стаў хапаць за рукі 5-гадовага хлопчыка. За дзіця сталі заступацца іншыя дзеці. Мужчыну гэта не спадабалася, ён кінуў пляшку ў галаву 10-гадоваму хлопчыку. Дзіця шпіталізавана з цяжкай траўмай.
Распачатая крымінальная справа па ч. 3 ст. 147 (наўмыснае прычыненне цяжкага цялеснага пашкоджання). Мужчына затрыманы.
Раней ён неаднаразова прыцягваўся да крымінальнай адказнасці, а ў гэты дзень толькі вызваліўся з месцаў пазбаўлення волі.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары