Амбасада ЗША заклікала быць гатовымі да перабояў у сувязі з магчымай усеагульнай забастоўкай у Беларусі
Амбасада ЗША папярэдзіла грамадзян пра магчымыя складанасці і перабоі ў сувязі з забастоўкамі і пратэстамі ў Беларусі пасля заканчэння тэрміну «Народнага ўльтыматуму» 25 кастрычніка.
Грамадзян ЗША заклікаюць сачыць за навінамі, праяўляць пільнасць, закупіцца прадуктамі і вадой наперад, а таксама загадзя зняць грошы ў банкамаце на выпадак новых адключэнняў інтэрнэту.
«Падтрымлівайце прынамсі трохдзённы запас вады, прадуктаў, медыкаментаў, наяўных грошай і іншага неабходнага для пільных патрэб», — папярэджвае пасольства ў паведамленні ў сябе на сайце.
Каментары