Беларусаў прапускаюць на тэрыторыю нашай краіны, паведаміў Tut.by раніцай 30 кастрычніка прэс-сакратар Дзяржпамежкамітэта Антон Бычкоўскі.
— Грамадзян Беларусі на тэрыторыю Рэспублікі прапускаюць. Ёсць абмежаванні ў дачыненні да фізічных асоб, якія знаходзяцца і плануюць прыязджаць з тэрыторый суседніх з намі дзяржаў. Ёсць паўнамоцтвы ў памежнікаў прымаць у тым ліку і прыватныя пастановы ў залежнасці ад сітуацыі, якая складваецца з тымі, хто перасякае мяжу, — сказаў прадстаўнік ДПК.
Іншыя падрабязнасці ў ведамстве пакуль не далі.
Тым часам Мінсктранс паведаміў, што з 7.00 30 кастрычніка адноўлена выкананне рэйсаў па міжнародных маршрутах, прыпыненае напярэдадні вечарам.
Пры гэтым у Мінсктранс звярнулі ўвагу, што ўезд на тэрыторыю Беларусі часова абмежаваны для асобных катэгорый грамадзян і рэкамендавалі шукаць падрабязнасці на сайце ДПК. У Мінсктрансе пакуль не змаглі адказаць на пытанне, якія катэгорыі грамадзян не прапусцяць на тэрыторыю краіны.
У МЗС краіны пакуль таксама няма падрабязнасцяў па сітуацыі.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро11
Каментары