У цэнтры Ерэвана сабраўся мітынг супраць Пашыняна, паліцыя затрымала некалькіх удзельнікаў
У цэнтры Ерэвана на плошчы Свабоды пачалі затрымліваць членаў апазіцыйных партый і іх прыхільнікаў.
Грамадзян саджаюць у паліцэйскія аўтамабілі і вязуць у аддзяленні. Праціўнікі прэм'ер-міністра Пашыняна крычаць: «Нікол, сыходзь!»
Раней 17 партый анансавалі мітынг з патрабаваннем адстаўкі Пашыняна. Паліцыя прэвентыўна затрымала некалькіх апазіцыянераў. Генпракуратура Арменіі заявіла, што акцыі забароненыя ў сувязі з ваенным становішчам.
Масавыя беспарадкі ў Ерэване пачаліся ў ноч на 10 лістапада пасля таго, як Пашынян разам з лідарамі Расіі і Азербайджана прыняў заяву аб спыненні баявых дзеянняў у Нагорным Карабаху.
Згодна з дакументам, Азербайджан атрымлівае кантроль над тэрыторыямі, якія заняў падчас баявых дзеянняў. Акрамя таго, да 1 снежня Баку будуць вернутыя яшчэ тры раёны. У рэгіён ўваходзяць расійскія міратворцы.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»4
Каментары