У міліцыі рэгіёну пракаментавалі інцыдэнт у Наваполацку 20 снежня, калі пасля дзіцячага свята на Плошчы Будаўнікоў затрымалі Дзеда Мароза і іншых гараджан. У ГАУС забралі пяць чалавек, трое з іх чакаюць суда, паведамляе gorod214.by.
— Міліцыя атрымала інфармацыю аб закліках у тэлеграм-каналах да ўдзелу жыхароў Наваполацка ў несанкцыянаваным масавым мерапрыемстве. У месцы меркаванага збору прысутнічалі людзі, якія неаднаразова прыцягваліся за парушэнне заканадаўства аб масавых мерапрыемствах, у тым ліку якія пазначылі сябе пратэстнай атрыбутыкай, — паведаміла афіцыйны прадстаўнік УУС аблвыканкама Вольга Шкуратава.
Пяць чалавек даставілі ў ГАУС для разбору. У дачыненні да траіх склалі пратаколы па артыкуле 23.34 КоАП — за раней учыненыя правапарушэнні. Дваіх адпусцілі пасля высвятлення асобы. Астатнія затрыманыя да суда.
Нагадаем, 20 снежня ў Наваполацку затрымалі двух мужчын пасля дзіцячага свята каля галоўнай гарадской ёлкі. Аднаго з іх — Уладзіміра, які выконваў ролю Дзеда Мароза — пазней адпусцілі, а дацэнта Полацкага дзяржуніверсітэта Віктара Якубава пакінулі ў ГАУС. У спісах праваабаронцаў чатыры чалавекі, якіх затрымалі ў Наваполацку 20 снежня.
Пасля дзіцячага свята ў Наваполацку прайшлі затрыманні. У ГАУС апынуўся нават Дзед Мароз
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары