Апублікаваная расійскім апазіцыянерам Аляксеем Навальным тэлефонная размова з яго магчымым атручальнікам з'яўляецца падробкай, запэўнівае ФСБ.
«Відэаролік з тэлефонным размовай з'яўляецца падробкай. Выкарыстанне спосабу падмены нумара абанента — вядомы прыём замежных спецслужбаў, раней не раз апрабаваны ў антырасійскіх акцыях, які дазваляе выключыць магчымасць высвятлення рэальных удзельнікаў размовы», — гаворыцца ў паведамленні расійскай спецслужбы.
У ФСБ таксама дадалі, што расследаванне аб меркаванай датычнасці супрацоўнікаў ФСБ да атручвання Навальнага з'яўляецца спланаванай правакацыяй супраць расійскай спецслужбы.
14 снежня журналісты некалькіх выданняў выпусцілі расследаванне, у якім гаварылася, што Аляксея Навальнага магла атруціць група супрацоўнікаў ФСБ, якія сачылі за ім некалькі гадоў. Сярод меркаваных удзельнікаў атручвання быў названы Канстанцін Кудраўцаў.
21 снежня Навальны выпусціў ролік, у якім сцвярджалася, што ён пагаварыў па тэлефоне з Канстанцінам Кудраўцавым, прадставіўшыся памочнікам сакратара Рады Бяспекі Мікалая Патрушава. Падчас размовы суразмоўца Навальнага паведаміў яму дэталі атручвання.
Навальны: «Я патэлефанаваў свайму забойцу. Ён ва ўсім прызнаўся»
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары