«Першая КінаВідэаКампанія» ўсё ж атрымала бюджэтную падтрымку на вытворчасць фільма пра алімпійскага чэмпіёна Аляксандра Мядзведзя. Гэта адзін з тых праектаў, што фігураваў у летнім скандале, калі Міністэрства культуры пастанавіла прафінансаваць шэраг незалежных карцін, але ў выніку адмяніла сваё рашэнне.
Тады бюджэтныя грошы атрымалі і іх жа пазбавіліся экранізацыі кніг «Сфагнум» Віктара Марціновіча, «Радзіва «Прудок» Андруся Горвата і якраз фільм для дзіцячай і юнацкай аўдыторыі «Дзесяць жыццяў Мядзведзя». Неадназначнасць сітуацыі таксама ў тым, што сцэнарыстам і рэжысёрам карціны пра алімпійскага чэмпіёна з’яўляецца Андрэй Кудзіненка — аўтар, чыё кіно забаранялася ў Беларусі.
Фармальнай прычынай адмены дзяржзакупкі сталі скаргі кінематаграфістаў, якія не атрымалі фінансавання, у МАРГ, маўляў, большасць лотаў атрымала «Першая КінаВідэаКампанія».
Напрыканцы года Міністэрствам быў абвешчаны новы тэндар на стварэнне фільма для дзіцячай і юнацкай аўдыторыі — як сказаў дырэктар «Першай КінаВідэаКампаніі» Віктар Лабковіч, у ім удзельнічала шэсць кампаній, у тым ліку кінастудыя «Беларусьфільм». Праект Андрэя Кудзіненкі тым не менш перамог — паводле ўмоў фінансавання, вытворцы атрымліваюць ад Міністэрства 90 працэнтаў бюджэту карціны, але гэтым разам таксама бяруць абавязак апроч поўнаметражнага фільма стварыць серыял з чатырох частак.
Падрыхтоўка да здымак пачнецца 11 студзеня. «З-за пандэміі лагістыка стала вельмі складанай, асабліва калі гэта тычыцца расійскіх акцёраў. Будзем глядзець на абстаноўку і, зыходзячы з яе, карэктаваць дзеянні», — кажа Віктар Лабковіч.
Гэтым разам рашэнне аб фінансаванні не зможа быць ануляванае: кінакампанія ўжо падпісала з Міністэрствам дамову і атрымала грошы. Выканальнік галоўнай ролі пакуль невядомы і будзе вызначаны праз кастынг. Фільм «Дзесяць жыццяў Мядзведзя» мяркуецца быць завершаным у 2022 годзе.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары