Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
Сярод хэдлайнераў Нюша, Люся Чабоціна і Элджэй. Выступіў таксама тэхна-гурт Police in Paris — у ім грае ўнук Мулявіна.
На старце продажу квіткі на опэн-эір Viva Braslav сёлета каштавалі ад 125 рублёў за «стандарт» да 490 рублёў за VIP. Бліжэй да мерапрыемства цэны даходзілі ўжо да 800 рублёў.
Что скажете, стоит 800р за такой комфорт?
1 ДЕНЬ VIVA BRASLAV 2025
Традыцыйна шмат пытанняў у людзей узнікае з тым, дзе жыць тры фестывальныя дні. Самы танны варыянт ад арганізатараў — намётавы лагер. У ім месца для аднаго чалавека каштуе 70 рублёў. Прыняць душ тут абыдзецца ў 10 рублёў.
Арганізатары абяцалі забяспечыць усё неабходнае — ад зарадных кубоў і грымёрак з люстэркамі да лаўндж-зон. Нават праверыць узровень алкаголю кіроўцы могуць перад тым, як сесці за руль.
Але да фармату лагеру ўсё ж ёсць прэтэнзіі. У інстаграме Viva Braslav можна пабачыць прапановы ўвесці абавязковы рэжым цішыні хаця б на некаторую частку ночы. Адна з дзяўчат скардзілася на тое, што летась нецвярозыя людзі псавалі ўражанне ад фэсту сваімі крыкамі да 4 раніцы — праз іх жа не было адчування бяспекі.
І, калі паглядзець відэа некаторых удзельнікаў, становіцца зразумела, што праблема з алкаголем сапраўды існуе. У адным з тыктокаў мужчына распавядае, што «злавіў прыход» усяго пасля 0,5 піва.
— На старыя дрожджы накідвае ўвогуле канкрэтна сёння.
Зрабілі і ўжо традыцыйны глэмпінг. Там замест звычайных намётаў усталяваныя невялікія домікі з драўлянай падлогай. Унутры прадугледжаны нармальныя ложкі з матрацамі і камплектамі для сну, невялікі халадзільнік з міні-барам, крэслы.
Цэны на глэмпінг — як на нумар у пяцізоркавым гатэлі. Самы люксавы варыянт каштаваў 2600 рублёў за дваіх на 4 дні. Але пры гэтым усе месцы раскупілі за месяц да старту мерапрыемства.
Месца для аўтадому на 4 дні каштуе сёлета амаль 445 рублёў.
Нехта з меламанаў арандуе месца для намёту ў дварах мясцовых жыхароў. Тыя просяць 20 рублёў за суткі.
Але ж хапае тых, хто хоча больш камфортныя ўмовы і спрабуе арандаваць кватэру ці дом. Дасведчаныя тусоўшчыкі пачынаюць шукаць варыянты ажно за паўгода да патрэбнай даты. Але, аказваецца, гэта не гарантуе абсалютна нічога.
Адна дзяўчына распавяла ў тыктоку пра нечаканыя непрыемнасці, з якімі сутыкнулася яе кампанія. Кемпінг, нягледзячы на прывабны кошт, маладым людзям не падыходзіў: хваляваліся за бяспеку ўласных рэчаў, а таксама за тое, што нехта ноччу можа пераблытаць намёт. Ды і залежаць ад прыродных капрызаў беларускага лета не вельмі хацелася.
Летась гэтая ж кампанія арандавала домік і засталася ўсім задаволеная. Сёлета дзяўчына адказна падышла да пошукаў:
— Я патэлефанавала 40 людзям і яшчэ 15 напісала. Двое сутак — ад 1200 да 1600 рублёў на 8 чалавек. Ашалець, так? Гэта ў Беларусі. У выніку мы знайшлі жыллё ў горадзе. Без «ваў», кошт акей, перадаплата мінімальная.
Але за месяц да мерапрыемства дзяўчына вырашыла на ўсялякі выпадак пацвердзіць, ці ўсе дамоўленасці застаюцца ў сіле, і пачула, што жыллё тое здаць не могуць.
— Высветлілася, уладар дома алказалежны, можа туды прыехаць і нешта нарабіць. Прапанавалі абсалютна неальтэрнатыўны варыянт кватэры для 4 спальных месцаў. Нагадаю, што нас 8 чалавек.
Прычыну дзяўчына лічыць адэкватнай, але ўсё роўна абурана тым фактам, што арандатар не распавёў пра яе сам і чакаў чагосьці. Адшукаць новае жыллё кампанія не змагла.
— Менш за 100 даляраў на чалавека на перыяд фестывалю ніхто не прапаноўвае. Таму мы вырашылі здаць квіткі. Дарэчы, вяртаюць 75% кошту квіткоў. І гэта, дарэчы, цалкам законна.
У каментарыях дзяўчына здзіўляецца, што за столькі гадоў арганізатары фестывалю не стварылі ўласную базу арэнднага жылля, каб аблегчыць пошукі наведвальнікам.
У каментарыях дзяўчыну падтрымалі. Нехта напісаў, што сёлета адмовіўся ад ідэі ехаць на Viva Braslav праз тое, што жыллё каштуе прыблізна як крыло самалёта.
Цэны на фудкорце таксама актыўна абмяркоўваюць у сацсетках. За шаўрму просяць 20 рублёў, за келіх піва — 7-8. Нехта ставіцца да таго з паразуменнем, бо «фестываль — не крама». А нехта шчыра абураны.
Адзін з удзельнікаў іранічна прадэманстраваў бутэрброд, за які заплаціў 14 рублёў. Той лёгка памясціўся на далоні ў мужчыны — з’еў булку з начынкай літаральна за адзін укус.
Хэдлайнерамі Віва Браслаў-2025 будуць Нюша і Люся Чабоціна
«Тры гадзіны адстаяла ў віртуальнай чарзе!» У продаж паступілі першыя квіткі на Viva Braslav — і ўжо скончыліся
«Паехалі ў Беларусь на вечарынку і цяпер льяце кракадзілавыя слёзы». Што думаюць у Латвіі пра затрыманне на «Віва Браслаў»
Душ за 10 рублёў, шалёная чарга аўто і хіты расійскіх поп-зорак: як сёлета прайшоў фестываль Viva Braslav
Цяпер чытаюць
Жонка Статкевіча расказала, пра што паспела паразмаўляць з ім16
Каментары