У адказ на подпісы 100 чалавек беларусы сабралі 100 000 подпісаў супраць забароны гістарычнага сцяга
Сайт з петыцыяй у абарону бел-чырвона-белага сцяга сабраў рэкордныя 100 тысяч подпісаў. Нагадаем, улады задумаліся аб забароне нацыянальнай сімволікі, прыводзячы ў якасці аргументу подпісы сотні грамадзян.
Аўтары петыцыі (Каардынацыйная рада) лічаць, што забарона на выкарыстанне бел-чырвона-белай сімволікі не абгрунтавана нічым, акрамя палітычнага ціску на грамадзян, нязгодных з дзеяннямі ўладаў.
— Грамадзяне павінны мець магчымасць звяртацца ў дзяржаўныя органы, патрабаваць прызнання пэўных кампаній, асоб, колераў экстрэмісцкімі. Але мы дакладна ведаем, што забарона бел-чырвона-белай сімволікі — гэта не жаданне народа, а капрыз 100 чалавек, — гаворыцца ў звароце, які плануецца адправіць у Генпракуратуру і Міністэрства культуры.
У петыцыі нагадваюць, што бел-чырвона-белы сцяг, які быў дзяржаўным сцягам Беларусі з 1991 па 1995 год, з'яўляецца прыкладам нематэрыяльнай культурнай каштоўнасці.
Па законе ўлічваюцца галасы грамадзян і рэзідэнтаў Беларусі. Статыстыка наведванняў паказвае, што 92% заходаў на петыцыю — з Беларусі. Астатнія — з Расіі, Польшчы, Ірландыі, Злучаных Штатаў.
Тэкст звароту і сабраныя подпісы падаюцца ў органы ў электронным выглядзе. Гэтая петыцыя будзе накіравана ў Міністэрства культуры, Генеральную пракуратуру і Міністэрства ўнутраных спраў.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары