Былы прэзідэнт Францыі Нікаля Сарказі прысуджаны да трох гадоў турэмнага тэрміну паводле абвінавачвання ў карупцыі і гандлі ўплывам, паведамляе meduza.io.
Le Parisien
Год з гэтага тэрміну Сарказі павінен будзе правесці ў турме, яшчэ два гады прызначаныя ўмоўна.
Сарказі прызналі вінаватым у тым, што ён спрабаваў з дапамогай подкупу атрымаць ад супрацоўніка касацыйнага суда інфармацыю пра расследаванне нелегальнага фінансавання сваёй прэзідэнцкай кампаніі. Сарказі быў прэзідэнтам у 2007-2012 гадах.
У якасці доказаў абвінавачанне падало ў суд запісы тэлефонных размоваў былога прэзідэнта.
Пракуратура патрабавала прысудзіць Сарказі да чатырох гадоў пазбаўлення волі — двух рэальных і двух умоўных.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»8
Каментары