Пяці фігурантам справы за надпіс «Не забудзем» пакінулі прысуды ў сіле. Яны паедуць на «хімію» і ў калонію
Апеляцыйныя скаргі фігурантаў справы за надпіс «Не забудзем» разглядалі судовыя калегіі Мінгарсуда пад старшынствам суддзяў Таццяны Фалькоўскай і Валянціны Зянькевіч, паведамляе Радыё Свабода.
Яны пакінулі ўсе пяць апеляцыйных скаргаў без задавальнення, а прысуды — у сіле. Гэта значыць, што цягам некалькіх тыдняў Дзяніс Граханаў і Ігар Самусенка будуць накіраваныя ў папраўчую ўстанову адкрытага тыпу адбываць хімію тэрмінам на 1,5 года — тады яны зноў будуць прызнаныя палітычнымі зняволенымі.
Найбліжэйшым часам крымінальна-выканаўчая інспекцыя прызначыць умовы адбывання хатняй хіміі на 18 месяцаў для Марыі Бабовіч, а палітзняволеныя Уладзіслаў Гуліс і Максім Паўлюшчык будуць этапаваныя са следчых ізалятараў у калоніі адбываць пакаранне тэрмінам на 2 гады.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары