Прышчэпка была зроблена вакцынай вытворчасці брытанска-шведскай кампаніі AstraZeneca. Як паведамляе славацкае тэлебачанне, пасля ін'екцыі ў сярэдзіне лютага першай дозы вакцыны ў настаўніцы сярэдняй школы паднялася тэмпература, пачаўся моцны галаўны боль, болі ў суставах і ў месцы ўвядзення прэпарата.
Праз тыдзень пасля гэтага яе ў цяжкім стане даставілі ў бальніцу, і яшчэ праз некалькі дзён яна памерла.
Бацька жанчыны абвінаваціў у яе смерці вытворцаў вакцыны і запатрабаваў спыніць яе выкарыстанне. У Славакіі прэпаратам ад AstraZeneca прышчапляюць выкладчыкаў пачатковых і сярэдніх школ.
Яшчэ адзін выпадак смерці пасля прышчэпкі быў зафіксаваны ў Харватыі. Паводле звестак нацыянальнага тэлебачання, 91-гадовая жанчына памерла ў выніку лёгачнай эмбаліі (тромб у лёгачнай артэрыі). Раней яна была прышчэпленая прэпаратам AstraZeneca, аднак прычынна-выніковую сувязь пакуль выявіць немагчыма.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары