Як стала вядома вілейскаму выданню kraj.by, сёння раніцай, 19 сакавіка, у рэанімацыі памёр настаяцель храма прападобнай Марыі Егіпецкай у Вілейцы Аляксандр Шмырко. Іераманах з'яўляўся благачынным Вілейскай акругі.
Як паведамляе сайт прыходу храма, у якім служыў святар, ён нарадзіўся 19 кастрычніка 1969 года. Скончыў Віцебскае ПТВ-16 кулінарыі (1990), Мінскую духоўную семінарыю (1995), Мінскую духоўную акадэмію (2017), з'яўляўся магістрам багаслоўя.
9 снежня 2015 года пастрыгся ў манахі.
Як вядома kraj.by, айцец Аляксандр родам з Віцебска. У Вілейку прыехаў у 2014 годзе пасля сыходу з жыцця настаяцеля храма прападобнай Марыі Егіпецкай Сімяона Мацюха і працягнуў пачатыя ім справы: дабудаваў Дом духоўнай асветы, а затым рэканструяваў храм. Апошнім пачынаннем святара стала абнаўленне даху і купалоў царквы.
Па словах вернікаў, айцец Аляксандр захварэў на каранавірус. На мінулым тыдні яго стан пагоршыўся. Апошнія дні ён знаходзіўся ў вілейскай бальніцы.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары