Еўрасаюз запатрабаваў неадкладнага вызвалення Анжалікі Борыс, Андрэя Пачобута і ўсіх палітвязняў
Вярхоўны прадстаўнік Саюза па замежных справах і палітыцы бяспекі Жазэп Барэль чакае, што Беларусь будзе выконваць свае міжнародныя абавязацельствы па павазе правоў чалавека і асноўных свабод.
Пра гэта гаворыцца ў яго заяве, паведамляе Tut.by.
На думку Барэля, ЕС стаў сведкам далейшай эскалацыі рэпрэсій супраць беларускага народа, уключаючы арганізаваныя кампаніі пераследу праваабаронцаў, журналістаў і грамадзянскай супольнасці ў Беларусі.
— Апошнія падзеі паказалі, што мэтай гэтай палітыкі стаў і Саюз палякаў Беларусі.
Ён нагадаў пра затрыманне Анжалікі Борыс і Андрэя Пачобута і аб тым, што ім пагражае доўгае турэмнае зняволенне.
— Еўрапейскі Саюз чакае, што Беларусь будзе выконваць свае міжнародныя абавязацельствы па павазе правоў чалавека і асноўных свабод. Мы заклікаем Беларусь неадкладна і безумоўна вызваліць Анжаліку Борыс і Андрэя Пачобута, а таксама ўсіх палітычных зняволеных, якія знаходзяцца ў цяперашні час пад вартай, — гаворыцца ў заяве.
У заяве таксама адзначана, што ЕС па-ранейшаму перакананы ў тым, што нацыянальны ўсебаковы дыялог мае вырашальнае значэнне для ўрэгулявання сітуацыі ў Беларусі. Кіраўнік дыпламатыі ЕС заклікаў беларускія ўлады выкарыстоўваць любую прапанаваную магчымасць, у тым ліку садзейнічанне з боку АБСЕ.
Каментары