Пагадненне накіравана на павелічэнне кітайскіх інвестыцый у іранскую інфраструктуру, а таксама на паглыбленне супрацоўніцтва ў сферы абароны.
Іран і Кітай падпісалі пагадненне тэрмінам на 25 гадоў аб супрацоўніцтве ў галіне эканомікі і бяспекі. Гэта перашкаджае спробам ЗША ізаляваць Іран і адпавядае даўнім інтарэсам Тэгерана паглыбіць дыпламатычныя сувязі з краінамі Азіі, паведамляе The Wall Street Journal.
Абодва бакі разглядаюць пагадненне як стратэгічнае партнёрства, якое ўключае ў сябе перадачу ваенных тэхналогій і кітайскія інвестыцыі ў іранскія праекты па атамнай энергетыцы, чыгунцы і іншай інфраструктуры. У абмен на інвестыцыі Кітай атрымае стабільныя пастаўкі нафты з Ірана.
Краіны таксама дамовіліся аб стварэнні ірана-кітайскага банка. Такі крок дапаможа Ірану пазбегнуць амерыканскіх санкцый, што пазбавілі Тэгеран доступу да глабальных банкаўскіх сістэм.
Цяпер чытаюць
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў20
Каментары