Магілёвец выбіў суседу палкай два зубы з-за таго, што яго дзеці шумелі
У Магілёве мужчына пабіў палкай суседа, дзеці якога шумелі, паведамляе mogilevnews.by.
24-гадовы мужчына прыйшоў увечары дадому і хацеў адпачыць пасля працы. Але перашкаджалі суседзі зверху — гучна працаваў тэлевізар з мультыкамі і бегалі дзеці.
Мужчына прыйшоў разбірацца, адчыніла жанчына. Ён стаў лаяцца і працягнуў нават тады, калі яна паабяцала, што хутка пакладзе дзяцей спаць. На шум выйшаў 30-гадовы муж. Магілёвец адштурхнуў жанчыну, выхапіў прынесеную з сабой палку і ўдарыў яе мужа па твары.
Ударам падазраваны выбіў суседу два зубы. Ён арыштаваны. Завялі крымінальную справу.
Каментары