Мінскай чацвёрцы, якая адбіла ад амапаўцаў чалавека, далі ад чатырох да пяці гадоў калоніі
Суд Фрунзенскага раёна Мінска 2 красавіка абвясціў прысуд па крымінальнай справе чатырох жыхароў сталіцы — Яўгена Бароўскага, Івана Зянько, Аляксея Драба і Уладзіміра Кацкеля, паведамляе spring96.org.
Іх абвінавацілі адразу па трох артыкулах Крымінальнага кодэкса: гвалт альбо пагроза ўжывання гвалту ў дачыненні да супрацоўніка органаў унутраных спраў (арт. 364 КК), арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх (арт. 342 КК), наўмыснае знішчэнне або пашкоджанне маёмасці (арт. 218).
Справу разглядала суддзя Юлія Блізнюк. Дзяржабвінаваўца — пракурор Вікторыя Таратынка.
Падзеі адбываліся пасля 17 гадзін 11 кастрычніка.
Падчас разгону «Маршу гонару» каля станцыі метро «Пушкінская» яны, як вынікае з матэрыялаў следства, перашкодзілі амапаўцам затрымаць чалавека, уступілі з імі ў бойку, нанеслі некалькі ўдараў па галовах і разбілі шкло ў службовым аўтамабілі
Сёння Юлія Блізнюк абвясціла прысуд:
Яўгену Бароўскаму — абмежаванне волі з накіраваннем ва ўстанову адкрытага тыпу - 3 гады па першым артыкуле, па арт. 364 — пазбаўленне волі тэрмінам на чатыры гады.
Сумарна — пазбаўленне волі на чатыры гады ў калоніі агульнага рэжыму;
Івану Зянько — арышт 3 месяцы па першым артыкуле, па арт. 342 КК — абмежаванне волі на 2 гады, па 364 артыкуле — пазбаўленне волі на 5 гадоў.
Сумарна — пяць гадоў калоніі агульнага рэжыму;
Аляксей Драб і Уладзімір Кацкель прызнаныя вінаватымі па арт. 364 Крымінальнага кодэкса — па пяць гадоў у калоніі агульнага рэжыму;
Залічыць у тэрмін адбыцця пакарання — адзін дзень пад вартай як адзін дзень пазбаўлення волі.
Апроч гэтага, у грамадзянскім працэсе будзе вырашацца пытанне аб кампенсацыі Бароўскім іску Мінсктранса ў памеры 4699 рублёў. Зянько павінен аплаціць ГУУС 7073 рублі 75 капеек.
Кожны павінен аплаціць сямі пацярпелым маральны ўрон у памеры ад двух да 3000 рублёў.
Чытайце таксама:
Да 6 гадоў: судзяць мужчын, якія на Пушкінскай адбілі дэманстранта ад амапаўцаў і прымусілі сілавікоў уцячы
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары