Minskaj čaćviorcy, jakaja adbiła ad amapaŭcaŭ čałavieka, dali ad čatyroch da piaci hadoŭ kałonii
Sud Frunzienskaha rajona Minska 2 krasavika abviaściŭ prysud pa kryminalnaj spravie čatyroch žycharoŭ stalicy — Jaŭhiena Baroŭskaha, Ivana Ziańko, Alaksieja Draba i Uładzimira Kackiela, paviedamlaje spring96.org.
Ich abvinavacili adrazu pa troch artykułach Kryminalnaha kodeksa: hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ (art. 364 KK), arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich (art. 342 KK), naŭmysnaje źniščeńnie abo paškodžańnie majomaści (art. 218).
Spravu razhladała sudździa Julija Bliźniuk. Dziaržabvinavaŭca — prakuror Viktoryja Taratynka.
Padziei adbyvalisia paśla 17 hadzin 11 kastryčnika.
Padčas razhonu «Maršu honaru» kala stancyi mietro «Puškinskaja» jany, jak vynikaje z materyjałaŭ śledstva, pieraškodzili amapaŭcam zatrymać čałavieka, ustupili ź imi ŭ bojku, nanieśli niekalki ŭdaraŭ pa hałovach i raźbili škło ŭ słužbovym aŭtamabili
Siońnia Julija Bliźniuk abviaściła prysud:
Jaŭhienu Baroŭskamu — abmiežavańnie voli z nakiravańniem va ŭstanovu adkrytaha typu - 3 hady pa pieršym artykule, pa art. 364 — pazbaŭleńnie voli terminam na čatyry hady.
Sumarna — pazbaŭleńnie voli na čatyry hady ŭ kałonii ahulnaha režymu;
Ivanu Ziańko — aryšt 3 miesiacy pa pieršym artykule, pa art. 342 KK — abmiežavańnie voli na 2 hady, pa 364 artykule — pazbaŭleńnie voli na 5 hadoŭ.
Sumarna — piać hadoŭ kałonii ahulnaha režymu;
Alaksiej Drab i Uładzimir Kackiel pryznanyja vinavatymi pa art. 364 Kryminalnaha kodeksa — pa piać hadoŭ u kałonii ahulnaha režymu;
Zaličyć u termin adbyćcia pakarańnia — adzin dzień pad vartaj jak adzin dzień pazbaŭleńnia voli.
Aproč hetaha, u hramadzianskim pracesie budzie vyrašacca pytańnie ab kampiensacyi Baroŭskim isku Minsktransa ŭ pamiery 4699 rubloŭ. Ziańko pavinien apłacić HUUS 7073 rubli 75 kapiejek.
Kožny pavinien apłacić siami paciarpiełym maralny ŭron u pamiery ad dvuch da 3000 rubloŭ.
Čytajcie taksama:
Da 6 hadoŭ: sudziać mužčyn, jakija na Puškinskaj adbili demanstranta ad amapaŭcaŭ i prymusili siłavikoŭ uciačy
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary