Міністэрства па падатках дазволіць распрадаць рэшткі прадукцыі Nivea і Skoda
Для суб'ектаў гаспадарання прадугледжаная магчымасць рэалізаваць наяўныя ў іх рэшткі забароненых тавараў, прамаркіраваўшы іх спецыяльнымі кантрольнымі знакамі. Іх трэба будзе купіць.
Міністэрства падаткаў і збораў патлумачыла парадак дзеянняў суб'ектаў гандлю з улікам пастановы Савета Міністраў ад 23 красавіка 2021 года №240 «Аб ужыванні спецыяльных захадаў», якім устаноўлены пералік тавараў, забароненых да ўвозу і рэалізацыі на тэрыторыі Беларусі, паведамілі БелТА ў МПЗ.
Беларускія ўлады агучылі свае контрсанкцыі. Пад забарону трапілі Skoda і Nivea
У пералік забароненых унесеныя тавары груп кампаній Liqui Moly, Skoda Auto і Beiersdorf (гандлёвыя маркі Nivea, Eucerin, La Prairie, Labello, Hansaplast, Florena, 8x4, Skin Stories, Gammon, Tesa, Chaul, Coppertone, Hidrofugal, Stop the water while using me). Пералік тавараў і палажэнне аб парадку дзеянняў у дачыненні да іх уступаюць у сілу з 5 мая.
Для суб'ектаў гаспадарання прадугледжаная магчымасць рэалізаваць наяўныя ў іх рэшткі забароненых тавараў, прамаркіраваўшы іх спецыяльнымі кантрольнымі знакамі. Для гэтага яны павінны выканаць шэраг патрабаванняў. Ім варта з 5 мая прыпыніць аптовы і рознічны гандаль дадзенымі таварамі. Затым не пазней за 13 мая трэба правесці іх інвентарызацыю і здаць вопіс у МПЗ.
Спецыяльныя кантрольныя знакі ў колькасці, якая не перавышае колькасць тавару, пазначаную ў вопісе, трэба будзе купляць у выдавецтве «Белбланкавыд». Затым не пазней за 5 ліпеня трэба прамаркіраваць рэшткі тавараў. Пры гэтым распакаваныя рэшткі рэалізуюцца без маркіроўкі на працягу 60 каляндарных дзён ад інвентарызацыі.
Цяпер чытаюць
Што вядома пра затрыманых радыёаматараў, якім пагражае аж да расстрэлу15
Каментары