У Індыі за суткі выявілі рэкордную колькасць інфікаваных каранавірусам
Медыкі ў Індыі выявілі за мінулыя 24 гадзіны 412 262 новыя выпадкі інфікавання каранавірусам, агульная колькасць інфікаваных за ўвесь час эпідэміі ў краіне дасягнула 21 077 410. Колькасць смяротных зыходаў, звязаных з COVID-19, вырасла за дзень на 3980, піша ТАСС.
Папярэдні антырэкорд быў усталяваны 1 мая і складаў 401 993. Такім чынам, Індыя другі раз зафіксавала больш за 400 тыс. хворых на суткі, такая колькасць інфіцыраваных за 24 гадзіны ў свеце да гэтага часу афіцыйна не адзначалася.
Рост колькасці смяротных зыходаў таксама стаў у Індыі рэкордным, папярэдні антырэкорд быў зафіксаваны напярэдадні і быў роўны 3780. Агульная колькасць памерлых склала 230 168.
Колькасць ачунялых павялічылася за суткі на 329 113 і дасягнула 17 280 844. На лячэнні знаходзяцца 3 566 398 пацыентаў з каранавірусам.
Індыя займае другое месца ў свеце (пасля ЗША) па агульнай колькасці інфікаваных і трэцяе месца па колькасці смяротных зыходаў (пасля ЗША і Бразіліі). Як паведаміла ў сераду СААЗ, на Індыю прыйшлося 46% выпадкаў заражэння і 25% усіх смяротных зыходаў, зарэгістраваных у свеце на мінулым тыдні.
Цяпер чытаюць
«Ток» з Севярынцам: пра знаёмства з Ціханоўскім, прыход Калеснікавай, стаўленне да Бабарыкі і прэтэнзіі Зянона Пазняка11
«Ток» з Севярынцам: пра знаёмства з Ціханоўскім, прыход Калеснікавай, стаўленне да Бабарыкі і прэтэнзіі Зянона Пазняка
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары