Сямашка: Уніфікацыя падатковага і мытнага заканадаўства з Расіяй запатрабуе 2—2,5 года
А яшчэ трэба падвесці заканадаўчую базу да кожнага з 28 кірункаў інтэграцыі.
Беларусь і Расія дастаткова блізкія да таго, каб стварыць эканамічную платформу саюзнай дзяржавы, заявіў беларускі пасол Уладзімір Сямашка падчас ускладання вянка да магілы Невядомага салдата ў Маскве, піша БелТА.
Дыпламат адзначыў, што з 28 дарожных картаў для «паглыблення інтэграцыі» 26 узгодненыя абодвума бакамі (раней гаворка вялася пра 31 карту). Апошнія дзве карты, паводле Сямашкі, узгодняць у верасні-кастрычніку.
Дарожныя карты, патлумачыў Сямашка, гэта «план дзеянняў, кірункаў — адзіная прамысловая і аграрная палітыка, адзіны рынак нафты, газу, электраэнергіі і г. д. Агулам — 28 кірункаў. І да кожнага трэба падвесці заканадаўчую базу».
Самая ж складаная задача — уніфікацыя падатковага і мытнага заканадаўстваў. На гэта можа спатрэбіцца 2-2,5 года, сказаў Сямашка.
Чытайце таксама: «Засталося як бы дзве карты». Сямашка кажа, што тэрмін падпісання ссунуўся на паўгода
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці3
Каментары