Марыі Калеснікавай выставілі канчатковае абвінавачанне. Ёй пагражае да 12 гадоў
Яе абвінавачваюць адразу па трох артыкулах Крымінальнага кодэкса, піша Tut.by.

Марыю Калеснікаву абвінавачваюць паводле ч. 3 артыкула 361 (Заклікі да дзеянняў супраць нацыянальнай бяспекі), ч. 1 арт. 357 (Змова з мэтай захопу дзяржаўнай улады неканстытуцыйным шляхам), ч. 1 арт. 361-1 (Стварэнне экстрэмісцкага фармавання і кіраўніцтва ім).
Ёй пагражае да 12 гадоў турмы.
Нагадаем, што ўчора на старонцы Калеснікавай у фэйсбуку з'явілася вытрымка з яе ліста, дзе яна кажа, што не шкадуе аб прынятым год таму рашэнні далучыцца да каманды Віктара Бабарыкі, які менавіта 12 мая абвясціў, што ідзе ў прэзідэнты.
«Год таму я прыняла самае важнае рашэнне ў маім жыцці. Разумеючы ўсе рызыкі і высокую верагоднасць, што я апынуся там, дзе я цяпер, — я з радасцю стала часткай каманды Віктара Дзмітрыевіча. Ні на секунду не шкадую аб сваім рашэнні і зараз», — напісала яна.
Таксама раней стала вядома, што яшчэ аднаму члену Прэзідыума Каардынацыйнай рады і адвакату Калеснікавай Максіму Знаку выставілі канчатковае абвінавачанне. Знака абвінавачваюць па тых жа трох артыкулах.
-
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
Каментары