Міністэрства замежных спраў Украіны падрыхтавала пакет санкцый супраць грамадзян Беларусі, якія падтрымліваюць рэжым Аляксандра Лукашэнкі, піша Інтэрфакс.
Аб гэтым заявіў намеснік міністра замежных спраў Украіны Яўген Енін.
Паводле яго слоў, падрыхтаваны пакет ужо быў перададзены на разгляд у Раду нацыянальнай бяспекі і абароны Украіны.
«Спадзяёмся, што ў найбліжэйшы час гэты пакет будзе разгледжаны, і следствам адпаведных рашэнняў стане ўказ прэзідэнта», — адзначыў Енін.
Ён удакладніў, што плануецца ўводзіць санкцыі супраць тых грамадзян Беларусі, якія «бралі ўдзел у фальсіфікацыях выбараў і рэпрэсіях супраць сваіх суайчыннікаў».
Каментары