Жыхар Жлобіна знайшоў куст марыхуаны і вырошчваў яе ў пральнай машыне
Следчыя завяршылі справу аб вырошчванні марыхуаны ў адной з кватэр у Жлобіне, паведамляе Мінск-Навіны.
Днём 16 красавіка па падазрэнні ў незаконным абароце наркотыкаў быў затрыманы 39-гадовы мужчына. У яго кватэры ў пральнай машыне выяўленыя 11 кустоў марыхуаны.
Абвінавачаны распавёў, што куст дзікай марыхуаны ён знайшоў каля закінутага дома ў горадзе. Ён забраў яго, высушыў і захоўваў у сябе ў кватэры. Мужчына прызнаўся, што пасля першага ўжывання наркотыку вырашыў вырошчваць забароненае рэчыва самастойна дома з насення.
Ён абсталяваў корпус пральнай машыны пад міні-лабараторыю для вырошчвання марыхуаны. Ён сцвярджае, што вырошчваў расліны для асабістага спажывання.
Устаноўлена, што затрыманы пражывае з жонкай і двума малалетнімі дзецьмі (13 гадоў і 2 гады). Жонка фігуранта распавяла, што нічога аб наяўнасці дома забароненых рэчываў ёй не было вядома, бо муж жыве ў асобным пакоі і заўсёды прасіў яе не чапаць яго рэчы.
З затрыманага ўзятая падпіска аб нявыездзе і належных паводзінах.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары