«Гэта спецаперацыя МУС»: махлярка назвалася супрацоўніцай міліцыі і выкрала ў аршанца 17 600 рублёў
Зламыснікі працягваюць актыўна выкарыстоўваць злачынную схему выкрадання грошай, называючыся супрацоўнікамі праваахоўных органаў, паведамляе МУС. Аферысты просяць аказаць садзейнічанне ў спецаперацыі па злове банкаўскіх работнікаў, якія нібыта афармляюць крэдыты, выкарыстоўваючы звесткі кліентаў.
Днямі ў пастку трапіўся 57-гадовы жыхар Оршы. Патэлефанавала жанчына і паведаміла пра спробу аформіць на яго імя крэдыт і прапанавала сумесна злавіць злачынцу за руку: для гэтага ад ахвяры патрабавалася адкрыць крэдытную лінію ў банку і перавесці сродкі на ўказаны ёю рахунак. Пры гэтым суразмоўца падкрэсліла, што саму размову і ўсе дзеянні неабходна трымаць у таямніцы ад членаў сям'і і знаёмых, бо гэта «спецаперацыя МУС». Мужчына паверыў і пачаў прытрымлівацца інструкцый: аформіў два крэдыты на агульную суму 17 600 рублёў і перавёў грошы. Пасля чаго жанчына перастала выходзіць на сувязь.
Заведзена крымінальная справа па факце крадзяжу маёмасці шляхам мадыфікацыі камп'ютарнай інфармацыі, здзейсненага ў буйным памеры.
Каментары