Сталічны бізнэс-цэнтр з офісамі застаўся без электрычнасці. Магчымая прычына — неаплачаная «камуналка»
Сёння ў мінскім бізнэс-цэнтры Ocean на праспекце Дзяржынскага ў абед рэзка знікла святло ва ўсім комплексе. Без яго засталіся дзясяткі офісаў, трэнажорная зала, фуд-корт і супермаркет. Магчымая прычына — уласнікі пратэрмінавалі камунальныя плацяжы, піша Анлайнер.
— Каля 14:00 прапала электрычнасць ва ўсім цэнтры. Мы пачалі высвятляць, у чым рэч. У таварыстве ўласнікаў сказалі, што адбылася аварыя і непаладкі зараз ліквідуюць. Мы ў гэтым засумняваліся: калі б сапраўды была нейкая сур'ёзная паломка, святло б адсутнічала і ў суседніх будынках, але праблемы ўзніклі толькі ў нас. У Энергазбыце ўдалося даведацца, што электрычнасць адключылі за няплату. З-за чаго ўласнікі пратэрмінавалі плацяжы, нам не кажуць. Калі ўсё адновяць — таксама. Народ масава сыходзіць з офісаў, бо праца, па сутнасці, спынілася, — кажа супрацоўнік адной з кампаній, якая арандуе офіс у БЦ Ocean.
У таварыстве ўласнікаў бізнэс-цэнтра адмовіліся каментаваць інцыдэнт. Сказалі толькі, што святло мае з'явіцца заўтра.
-
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове
-
Лявончык: Сумняюся, што Карпушонак кантралюе свой акаўнт. Гэта абароты з падручніка прапаганды
-
«Такое ж пошлае і дурное». У Латушкі адказалі на новае відэа Вольгі Карпушонак
Цяпер чытаюць
Дэлегатка КР Карпушонак пасля маўчання апублікавала відэа19
Каментары