Доктар медыцынскіх навук, рэктар Гомельскага медыцынскага ўніверсітэта Ігар Стома падзяліўся меркаваннем, калі можна вакцынавацца ад грыпу і як сумясціць прышчэпку ад кавіду і ад грыпу.
Яго словы прыводзіць тэлеграм-канал Мінздароўя.
Паводле спецыяліста, магчымую эпідэмію грыпу чакаюць вясной 2022 года. Таму прышчапляцца ад грыпу можна не толькі ў кастрычніку, лістападзе, снежні, але ў студзені, лютым і нават сакавіку.
Ігар Стома нагадаў. што медыкі рэкамендуюць, каб інтэрвал паміж прышчэпкай ад кавіду і ад грыпу складаў 14 дзён. Але, пры жаданні пацыента, можна ўводзіць абедзве вакцыны адначасова ў адзін дзень.
Напрыклад, у адно плячо ўводзіцца вакцына супраць COVID-19, у іншае — супраць грыпу.
«Большасць краін свету рухаецца да таго, каб зніжаць гэты інтэрвал паміж вакцынамі і рабіць гэтыя прышчэпкі адначасова», — рэзюмаваў Ігар Стома.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары