На Навальнага і яго паплечнікаў завялі новую справу — аб стварэнні экстрэмісцкай суполкі
Следчы камітэт Расіі распачаў справу аб стварэнні экстрэмісцкай суполкі ў дачыненні да Аляксея Навальнага і двух яго паплечнікаў — Леаніда Волкава і Івана Жданава. Яшчэ некалькі прыхільнікаў Навальнага падазраюцца ва ўдзеле ў экстрэмісцкай суполцы, паведамляе Бі-бі-сі.
Следства лічыць, што дзейнасць суполкі, створанай Навальным і яго паплечнікамі, была накіравана на «дыскрэдытацыю органаў дзяржаўнай улады і іх палітыкі, дэстабілізацыю абстаноўкі ў рэгіёнах». Акрамя таго, лічыць следства, фігуранты справы стваралі пратэсныя настроі і праводзілі пратэсныя акцыі, што перарастал ў масавыя беспарадкі.
Па артыкуле аб арганізацыі экстрэмісцкай супольнасці Навальнаму, што знаходзіцца за кратамі ад 17 студзеня, Волкаву і Жданаву пагражае да 10 гадоў пазбаўлення волі. Падазраванымі па артыкуле аб удзеле ў гэтай суполцы праходзяць яшчэ некалькі чалавек, у тым ліку Любоў Собаль, Генадзь Албураў і Руслан Шаведдзінаў — ім пагражае да шасці гадоў калоніі.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў40
Каментары