Чаму нават на вуліцы варта насіць маску, каб абараніцца ад кавіду — даследаванне
Вядома, што нашэнне маскі ў памяшканні зніжае рызыку захварэць на кавід. Але цяпер навукоўцы сцвярджаюць, што і на вуліцы, калі вакол шмат людзей, варта надзець на сябе маску. Асабліва калі надвор’е ветранае.
Вучоныя высветлілі, што калі чалавек кашляе на вуліцы, вецер можа перанесці вірусныя часцінкі (у тым ліку і вірус кавіду) больш далёка, чым іх перанесла б паветра ў бязветраных умовах.
Таму калі чалавек, інфіцыраваны кавідам, кашляе ў накірунку, які супадае з накірункам ветра, гэта павышае рызыку распаўсюду віруса, піша inews.co.uk.
Даследаванне правялі навукоўцы з Індыйскага інстытута тэхналогій. З дапамогай мадэліравання яны высветлілі, што нават лёгкі вецер з хуткасцю 8 км/гадз патрабуе падоўжыць сацыяльную дыстанцыю на 20% - з 1-2 метраў да 1,1-2,2 метраў. Адпаведна, калі хуткасць ветра складае 15-17 км/гадз, вірус разносіцца яшчэ на 10-15% больш далёка.
Варта прымяняць на вуліцы і іншыя меры рэспіраторнага этыкету, напрыклад, кашляць у локаць або адварочвацца падчас кашлю ад іншага чалавека. Такія меры таксама зніжаюць верагоднасць распаўсюду віруса.
У стацыянарах краіны ў 2020 годзе памерла на 40% больш пацыентаў, чым у 2019 годзе
Кавід і грып. Чаго чакаць ад дзвюх пандэмій адначасова і што рабіць?
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць12
Каментары