Пра гэта паведаміў 23 ліпеня міністр сельскай гаспадаркі і харчавання Сямён Шапіра ў час нарады прэзідэнта Беларусі з кіраўнікамі загранустаноў Беларусі.
Усяго, як адзначыў Сямён Шапіра, беларускія малакаперапрацоўчыя прадпрыемствы здалі ў лабараторыі Расспажыўнагляду 825 узораў прадукцыі.
Гаворачы ў цэлым аб малакапрадукцыі, міністр падкрэсліў, што яна мае высокія спажывецкія ўласцівасці. У 2009 годзе ў Беларусі плануецца атрымаць 6,3 млн.т малака, з якіх 2,5 млн.т будзе пастаўлена на ўнутраны рынак, 2,8 млн.т экспартавана ў Расію, яшчэ 1 млн.т — на рынкі трэціх краін.
Сямён Шапіра адзначыў, што кожны год растуць пастаўкі малочнай прадукцыі на знешнія рынкі. З пачатку гэтага года аб’ём продажаў перасягнуў $800 млн. Пры гэтым на Расію прыпадае 87 працэнтаў экспарту, краіны далёкага замежжа — 5 працэнтаў.
Як падкрэсліў прэзідэнт, найважнейшым пытаннем сёння з’яўляецца выхад на рынкі краін ЕС. Тым больш што еўрапейцы ў гэтым пытанні ідуць нам насустрач. Еўрасаюз не супраць таго, каб даць магчымасць беларускім прадпрыемствам сертыфікаваць сваю прадукцыю і тым самым канкурыраваць на роўных з еўрапейскімі вытворцамі, сказаў Аляксандр Лукашэнка.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады7
Каментары