Праз пратэст пракуратуры жанчыне за каментарый прысудзілі рэальную «хімію» замест хатняй
Гомельскі абласны суд разгледзеў пратэст пракуратуры на прысуд жыхарцы Гомеля, 49-гадовай Наталлі. Яна была пакараная судом Савецкага раёна годам «хатняй хіміі» за камэнтарый у Тэлеграме. Абласны суд задаволіў пратэст пракуратуры і зрабіў пакаранне больш жорсткім, піша «Радыё Свабода».
Цяпер замест года «хатняй хіміі» Наталлі прызначылі два гады рэальнай — абмежавання волі з накіраваннем ва ўстанову адкрытага тыпу.
Рашэнне па крымінальнай справе за «абразу прадстаўніка ўлады» (міліцыянта са Светлагорска Аляксандра Перавядзенцава) вынес 6 кастрычніка суддзя Віталь Каўбеня.
Справа тычылася каментарыя ў адным з тэлеграм-каналаў, які прызнаны экстрэмісцкім. Там увосень 2020 года Наталля пакінула каментарый пад здымкам міліцыянта са Светлагорска. Яна тлумачыла на судзе, што не ведала, што тэлеграм-канал з'яўляецца «дэструктыўным» ці экстрэмісцкім.
Пракуратура прасіла пакараць жыхарку Гомля 2 гадамі «хіміі». Пацярпелы міліцыянт ацаніў свае маральныя пакуты ў 3 тысячы рублёў. Суддзя зменшыў суму маральнай кампэнсацыі да 700 рублёў. Пасьля суда Натальля сплаціла гэтыя грошы пацярпеламу.
Тым не менш намесніца пракурора Гомеля Ірына Курбацкая палічыла, што пакаранне занадта мяккае і апратэставала рашэнне суда. Абласны суд пагадзіўся з пракуратурай. Цяпер Наталля мусіць ехаць на «хімію» на два гады.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары