Лукашэнка, які вечна незадаволены беларусамі, пахваліў паўночнакарэйскі народ
Лукашэнка прадказаў КНДР «вялікую будучыню з працавітым, дысцыплінаваным народам».
Аляксандр Лукашэнка, які ўвесь час наракае на беларусаў, у КНДР нарэшце знайшоў найлепшы варыянт.
«Я вам магу сказаць, як чалавек, які ўжо ўсё ў гэтым свеце бачыў, — вашу краіну чакае вялікая будучыня з гэтым працавітым, дысцыплінаваным народам», — сказаў ён.
У Паўночная Карэі ён пабачыў яшчэ і тое, чаго больш у свеце ніхто не бачыць.
«Я ўбачыў, — вы ўмееце рабіць усё. І вы робіце гэта так, як ніхто ў свеце. Гэта не даніна павагі нашым перамовам. Гэта сапраўды вынікае з маіх назіранняў», — запэўніў ён.
Аляксандр Лукашэнка сказаў, што, нягледзячы на геаграфічную аддаленасць, беларускі і карэйскі народы збліжаюць агульныя інтарэсы — патрыятызм і павага да гісторыі. Паводле яго слоў, сяброўскія сувязі, якія зарадзіліся яшчэ ў часы Савецкага Саюза, ніколі не перарываліся.
Ён анасаваў «прынцыпова новы этап» адносін.
«Сёння ў выніку ўсебаковага паступальнага развіцця мы пераходзім на прынцыпова новы этап. З вялікім спазненнем, але тым не менш пераходзім», — сказаў Аляксандр Лукашэнка.
«Нашы эканомікі ўзаемадапаўняльныя, мы патрэбныя адзін аднаму. І ў гэтым кірунку давайце зробім высновы з мінулага, са сваіх памылак. І зробім усё для таго, каб адносіны паміж Карэйскай Народна-Дэмакратычнай Рэспублікай і Рэспублікай Беларусь былі ўзорнымі», — дадаў ён.
Ён патлумачыў, што ў сучасных рэаліях, калі «моцныя свету гэтага» ігнаруюць міжнароднае права, незалежным краінам неабходна ўзаемадзейнічаць больш шчыльна для абароны суверэнітэту.
Аляксандр Лукашэнка заявіў, што развіццё адносін з КНДР будзе ісці без аглядкі на меркаванне іншых краін.
«Я, як і Вы, прыхільнік таго, каб мы развівалі нашы адносіны, не азіраючыся на іншыя краіны, якія, вядома, будуць не ў захапленні ад нашых адносін. Таму што яны — канкурэнты. Нашы эканомікі ўзаемадапаўняльныя, мы патрэбныя адзін аднаму. Мы зробім высновы з мінулага і зробім усё для таго, каб адносіны паміж КНДР і Беларуссю былі ўзорнымі», — сказаў ён.
Кім Чэн Ын дадаў, што абедзве краіны імкнуцца да будаўніцтва шматпалярнага свету і маюць падобныя позіркі на міжнародны парадак.
«Думаю, што гэта служыць перадумовай магчымасці далейшага пашырэння і развіцця двухбаковых адносін у адпаведнасці з узаемнымі інтарэсамі дзвюх краін», — сказаў ён.
Ён выказаў «поўную падтрымку» дзеянням Мінска і выступіў супраць санкцый для Беларусі.
«Мы выступаем супраць неправамернага ціску на Беларусь з боку Захаду і выказваем падтрымку і разуменне мерам кіраўніцтва Беларусі, накіраваным на сацыяльна-палітычную стабільнасць», — заявіў Кім Чэн Ын.
Кім Чэн Ын таксама адзначыў поспехі Беларусі ў абароне суверэнных правоў і развіцці эканомікі.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары
государственники из кгб лукашенко согласны и одобряют такой подход.
А яшчэ галоўная мара лукавага гэта атрымаць ад Ына ядэрную бомбу і ракету каб яму, лукаваму, было зручней гаўкаць ў бок Эўразьвязу і Украіны і каб ніякая Ната не пагражала яму і ягонаму вывадку здзекавацца над Беларуссю і катаваць беларускі народ, столь ненавісны яму і ягонаму табару.