У грузавіку знаходзілася больш за сотню мігрантаў. Ён перакуліўся на шашы, якая вядзе ў адміністрацыйны цэнтр штата Ч'япас Тустла-Гут'ерэс па паўднёвым усходзе краіны. Колькасць траўміраваных склала больш за паўсотні, піша Бі-бі-сі.
Гэты дарожны інцыдэнт стаў адным з самых маштабных па колькасці загінулых у гісторыі Мексікі, заявіў Луіс Мануэль Гарсія з агенцтва грамадзянскай абароны штата.
Паводле яго слоў, сярод пацярпелых і загінулых ёсць як мужчыны, так і жанчыны з дзецьмі. Іх грамадзянства пакуль дакладна не ўстаноўленае, але мясцовыя ўлады сцвярджаюць, што большасць — з Гандураса і Гватэмалы.
Паведамляюць, што грузавік перавысіў хуткасць, на крутым павароце перакуліўся і ўрэзаўся ў пешаходны мост.
Штат Ч'япас мяжуе з Гватэмалай — менавіта праз яго пралягаюць галоўныя маршруты нелегальных мігрантаў.
Кожны год праз Мексіку ў ЗША накіроўваюцца сотні тысяч мігрантаў, якія ратуюцца ад галечы і гвалту, якія пануюць у некаторых краінах Цэнтральнай Амерыкі. Многія з іх плацяць кантрабандыстам, якія незаконна перавозяць іх у грузавіках — гэтыя падарожжы доўгія і небяспечныя.
Паводле даных Міжнароднай арганізацыі па міграцыі, перасячэнне мяжы Мексікі і ЗША — самае небяспечнае ў свеце: толькі ў гэтым годзе прынамсі 650 чалавек загінулі, спрабуючы прабрацца на амерыканскую тэрыторыю. Гэта больш, чым калі-небудзь (з тых часоў, як арганізацыя пачала збіраць такія даныя).
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары