На 50-гадовага мужчыну выйшлі супрацоўнікі абласнога ўпраўлення ГУБАЗіК. Мужчына і яго 32-гадовы памагаты падазраюцца ў серыйных махлярствах і іншых злачынствах.
За паўгода дуэт падмануў некалькі чалавек, завалодаўшы 17 тысячамі рублёў, паведамляе прэс-служба МУС.
Грошы выманьваліся пад рознымі падставамі: на арганізацыю бізнэсу па вырабе помнікаў, куплю будматэрыялаў, рамонт дома. Некаторых ахвяр угаворвалі аформіць тавары ў растэрміноўку, абяцаючы самастойна яе аплачваць.
Акрамя таго, падазраваныя, прадставіўшыся супрацоўнікамі міліцыі, «спагналі штраф» з 66-гадовай пенсіянеркі нібыта за арганізацыю прытона.
Устаноўлена, што старэйшы з фігурантаў збіў 40-гадовага жыхара Брэста, патрабуючы грошы. У выніку той аддаў шантажысту 500 даляраў.
Распачатыя крымінальныя справы за махлярства, вымагальніцтва і самавольнае прысваенне звання ці ўлады службовай асобы. Мужчыны затрыманыя і знаходзяцца ў СІЗА.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары