У ЗША адбылася 79-я цырымонія ўручэння прэміі «Залаты глобус». Яна прайшла ў закрытым рэжыме і не транслявалася па тэлебачанні або анлайн, спіс пераможцаў арганізатары апублікавалі на сайце прэміі па яе выніках.
Фільм «Улада сабакі» новазеландскага рэжысёра Джэйн Кэмпіон заваяваў «Залаты глобус» у катэгорыі «Найлепшы драматычны фільм»
«Вестсайдская гісторыя» Стывена Спілберга атрымала прэмію ў катэгорыі «Найлепшая камедыя/мюзікл».
Дыснэеўскі мультфільм «Энканта» атрымаў «Залаты глобус» як найлепшая анімацыйная карціна.
Японская драма «Сядзь за руль маёй машыны» атрымала ўзнагароду ў намінацыі «Найлепшы замежны фільм».
Уіл Сміт заваяваў «Залаты глобус» у катэгорыі «Найлепшая мужчынская роля ў драме» за фільм «Кароль Рычард».
Ніколь Кідман атрымала прэмію ў катэгорыі «Найлепшая жаночая роля ў драме» за ролю ў фільме «Быць Рыкарда».
«Залаты глобус» называюць прадвеснікам «Оскара», які ў гэтым годзе будзе ўручаны ў красавіку.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА121
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары